Description
حد يقدر يدخل بيت أمنا الغولة ويطلع سليم؟ طيب في حد يقدر يطفش أمنا الغولة أصلا ويخلصنا منها؟
هنشوف البنت نص نصيص هتعمل ايه..
نص نصيص من سلسلة قصصنا الشعبية
تحكيها: زينب كمال
تحررها: رحاب بسام
ترسمها: مريم رمضان
لفينا حتت كتير علشان نلم القصص اللي بتتحكي في البيوت والشوارع، وكنا بنتخيل لو صوّرنا القصص اللي بنسمعها حيكون شكلها إيه، وده اللي حاولنا نعمله. ف خلينا بالعامية، وأخدنا الرسومات من الحيطان والسجاجيد والوشوم وعربيات الفول، وخلطناهم مع أفكارنا وأذواقنا، والنتيجة هي الكتب اللي بين ايديكم. نحب إن قصصنا الشعبية تكمل
وتعيش.. نتمنى تحكوها لبعض وتفتكروا الوقات اللي حكيتوها فيها وسمعتوها.
